مغالطه، تناقض، پاراډاکس/ عارف الله حقپرست

زده کوونکو له ښوونکي وپوښتل: د مغالطې يا تناقض (پاراډاکس) معنا څه ده؟
ښوونکي وويل: زه يې دوه بېلګې وړاندې کوم. ما ته دوه کسان راځي. يو يې پاک، سوتره دی او بل ککړ او خيرن. زه دواړو ته وايم، چې ځانونه ومينځي، چې پاک شي. اوس تاسې ووايئ، چې په دوی کې به کوم يو ځان مينځي؟
زده کوونکو وويل: خيرن کس.
ښوونکي وويل: نه، بلکې پاک کس به ځان مينځي، ځکه دی له لمبلو سره عادت دی، حال دا چې خيرن او ککړ د پاکوالي په ارزښت نه دی خبر. نو اوس وايئ، چې کوم يو به لامبي؟
ټولو وويل: پاک کس.
ښوونکي وويل: نه، بلکې خيرن به لامبي، ځکه پاکوالي ته يې اړتيا ده. اوس به څوک ځان مينځي؟
ټولو وويل: خيرن کس.
ښوونکي وويل: نه، بلکې دواړه به لامبي، ځکه پاک کس په لامبلو عادت دی او خيرن بيا لامبلو ته اړتيا لري. اوس وايئ، چې څوک به تر اوبو وځي؟
ټولو وويل: دواړه.
ښوونکي وويل: نه، يو هم نه. ځکه خيرن له لامبلو سره عادت نه دی او پاک بيا ځان مينځلو ته اړ نه دی. اوس به نو څوک ځان پاکوي؟
ټولو وويل: يو هم نه!
بيا زده کوونکو وپوښتل: استاذه! تاسې هر ځل بېل ځواب راکوئ او هر ځواب سم معلوميږي. موږ ته نو سمه خبره څنګه جوته شي؟
ښوونکي وويل: مغالطه (پاراډاکس) خو همدا دی کنه. نن، سبا دا مهمه نه ده، چې حقيقت څه دی؟ مهمه دا ده، چې رسنۍ کوم شی سم ثابتول غواړي؟