د خوړو نړیوال پروګرام (WFP) له افغانستان سره د سویډن د ۲ میلیون او ۲۰۰ زره ډالرو مرستې خبر ورکړی چې له خوارځواکۍ څخه د میندو او ماشومانو د مخنیوي په برخه کې به ترې استفاده وشي.
د خوړو نړیوال پروګرام په افغانستان کې د خوارځواکۍ پر پراخېدو د اندېښنې څرګندولو ترڅنګ ویلي چې د سویډن له دې مرستې به ۱۲۵ زره میندو او ماشومانو ته د ۳ میاشتو په مخه مغذي خواړه چمتو شي، او په خوارځواکۍ د سلګونه زره میندو او ماشومانو د اختهکېدو مخه به ونیول شي.
د ډبلیوافپي په بیان کې دا هم ویل شوي چې دا دوه لکه او دوهسوه زره ډالر مرسته د سویډن د نړیوالې پراختیایي همکارۍ ادارې لخوا چمتو شوې ده.
د ویلو ده چې سویډن تر دې مخکې هم له افغانستان سره په بېلابېلو برخو کې مرسته کړې وه.