له پېښو سره د مبارزې چمتووالي ملي ادارې سرپرست «ملا نورالدین ترابي» د کاتولیک نړیوالې مرستندویه موسسې له عمومي مشرې «مارګریت وډز» سره په کتنه کې پر بېلابېلو مسایلو خبرې کړې دي.
له پېښو سره د مبارزې ملي ادارې په خبرپاڼه کې ویل شوي چې په دې کتنه کې ښاغلي ترابي خلکو ته د مرستې رسونې په برخه کې د مرستندویه موسسو د ستونزو پر حل ټینګار کړی او ویلي یې دي چې دوی به د موسسو ستونزو ته پر وخت د رسېدنې هڅې کوي.
د خبرپاڼې له مخې، ملا نورالدین ترابي همداراز په دایکندي ولایت کې د کاتولیک نړیوالې مرستندویه موسسې د فعالیت بندېدو د لاملونو د څېړلو ډاډ هم ورکړی او په وینا یې چې په دې اړه به د څېړنو تر بشپړېدو وروسته لازمې پرېکړې وکړي.
په دې کتنه کې د یادې موسسې عمومي مشرې «مارګریت وډز» د افغانستان له پېښو سره د مبارزې چمتووالي ملي ادارې له سرپرست څخه د ځانګړې مننې ترڅنګ د خپلو کارونو پر روڼتیا او چټکتیا کړی دی.
له پېښو سره د مبارزې چمتووالي ملي ادارې سرپرست، ملا نورالدین ترابي تر دې مخکې هم د بېلابېلو نړیوالو مرستندویه ادارو له مشرانو سره کتلي او پر بېلابېلو مسایلو ورسره غږېدلی و.
