حمیدالله حمیدي
د سلیمیه جومات په ترکیه کې د اسلامي معمارۍ یوه نمونه ده، چې نن سبا پر عبادت ځای سربېره د سیاحانو د جذب پرقوې هم بدل شوی دی. دغه جومات په ۱۶مه پېړۍ کې جوړ شوی، چې د عثمانیانو د دورې تر ټولو مشهور جومات او شهکار بلل کېږي. د سلیمیه جومات په ۲۲ زره ۲۰۲ متره مربع ځمکه کې جوړ شوی دی.
د جومات جوړښت او د معمارۍ سبک د دې لامل شوی، چې له کلونو کلونو وروسته بیا هم دغه جومات د سیاحانو د پام وړ وګرځي او هر کال ترې په زرګونه کسان لیدنه وکړي.
د دغه جومات ځینې کاشیان له روسیې سره د عثمانیانو د جنګ پر مهال چې د ۱۸۸۷ او ۱۸۸۸ کالونو تر منځ پېښ شوی د روسي جنرال (میخائیل اسکوبلف) لخوا روسیې ته وړل شوي دي، چې لا تر اوسه بېرته نه دي راګرځول شوي.
له نیکه مرغه د سلیمیه جومات نوم د یوه تاریخي میراث په توګه په یونسکو کې هم ثبت شوی دی. د سلیمیه جومات معمار (سنان) نومیدو، چې خپله دغه معماري د عثماني خلافت په دوره کې تر ټولو ارزښتناکه معماري بولي. جومات یوه لویه ګنبده او څلور لوړې منارې لري.
