ژباړه: ګلثوم محمدي
په سالم غذايي رژیم کې بادرنگ له مهمو غذايي موادو څخه شمېرل کېږي. بادرنگ د اوبو او نورو مغذي موادو لکه فايبر، ويټامين C، ويټامين K او پوټاشیم په لرلو سره ستاسو روغتيا لپاره خورا گټور تمامېدای شي.
د بادرنگ تغذيي ارزښت
یوه بادرنگ په خپل ترکيب کې ۴۵ کالوري انرژي، ۱۰/۹ کربوهیدرات، ۱/۵ گرامه فایبر، ۱/۹۶ گرامه پروټین، ويټامين C يا اسکوربیک اسید ۸/۴۳ میلی گرامه، ویټامین K یا فیلوکینون ۴۹/۴ میکروگرامه او ۴۴۲ میلیگرامه پوټاشیم لري.
د بادرنگ گټې
بادرنگ د انتي اکسيدان بډايه سرچينه ده، چې د بدن څخه ساتنه کوي او د ځينو ناروغيو د اخته کېدو خطر کموي. د دې خواړه تر ټولو مهمو گټو عبارت دې له:
۱- د هډوکو پياوړتيا
بادرنگ د ويټامين K بډايه سرچينه ده، چې د هډوکو د پياوړتيا لامل کېږي او د هډوکو د ورستېدو مخنیوی کوي. مطالعاتو ثابته کړې ده، چې بادرنگ د بدن شاوخوا ۴۱ سلنه ويټامين K تأمينوي.
۲- بادرنگ د بدن اوبه تأمينوي
مايعات په بدن کې د خوړو په هضم کې مرسته کوي. د پښتورگو فعاليت ښه کوي او بدن تازه ساتي. بادرنگ په خپل ترکيب کې په زياته کچه اوبه لري، د دې گټور سابه شاوخوا ۹۶ سلنه يې اوبه تشکيلوی او د بدن د تازه والی لامل کېږي.
۳- د وزن کنټرول
غواړئ خپل وزن کم کړئ؟ نو په غذايي رژیم کې د بادرنگ اضافه کول د وزن په کنټرول او کمول يې يو مناسب گام دی. بادرنگ په خپل ترکيب کې لږ کالوري او کربوهیدرات لري. بادرنگ د زيات اوبه او لوړ فايبر په لرلو سره کولای شي چې معده ډکه وساتي.
تاسو کولای شئ بادرنگ د مڼې سرکې سره ترکيب کړئ، دا ترکيب د اشتها په کمولو کې او همدارنگه د وينې فشار په کنټرول کې مرسته کوي.
۴- د سرطان مخنيوی
بادرنگ د نورو غذايي موادو په څېر په خپل ترکيب کې د لیگنان په نامه طبیعي مواد لري. څېړنې ښيي چې لیگنان د سرطان ضد ځانگړتياوې لري او ځينو سرطانونو د اخته خطر کموي لکه د کولمو او د سينې سرطان.
۵- د کولمو روغتيا
د خواړو وروسته د بادرنگ کارول د هاضمي سیستم لپاره گټور تمامېدای شي. په بادرنگ کې شته اوبه د خوړو په هضم او جذبولو کې مرسته کوي.
همدارنگه بادرنگ د فايبر په لرلو سره د کولمو حرکات تنظيموي او د قبضيت د اخته کېدو خطر کموي.
۶- د پوستکي روغتيا
بادرنگ د اوبه، ويټامين C او ويټامين A بډايه سرچينه ده، چې دا ټول د پوستکي د روغتيا لپاره مهم رول لوبوي. سربېره پر دې، بادرنگ د پوستکي( تورم) کموي او د بخار( آکنه) د درملنې لپاره هم گټور دي.
تازه بادرنگ پوستکي لپاره ډېرې گټې لري، د پوستکي تازه والی، د التهاب يا سوزش( خارښت) کمولو او د پوستکي ميکروبونه له منځه وړل دا ټول د بادرنگ له مهمو گټو څخه شمېرل کېږي.
د بادرنگ ترکیب د ځينو موادو سره لکه:
. د بادرنگ او گلاب ترکيب ستاسو د پوستکي د پاکوالی لامل کېږي.
. د بادرنگ ترکيب له مستو سره دا ترکيب د پوستکي د نرمښت او د پوستکي د شفافيت لامل کېږي.
۷- بادرنگ په سنتي طب کې
په سنتي طب کې بادرنگ د التهاب په کمول، د ځيگر حرارت کمول او د تندې احساس په کمولو کې مرسته کوي. په سنتي طب د بادرنگ ترکيب د ځينو مواد سره لکه شات، خرما، نعناع او ليمو سره بدن لپاره خورا گټور تمامېدای شي.
. د بادرنگ ترکيب له خرما سره د بدن د پياوړي کېدو لپاره يو ښه ترکيب ده.
. د بادرنگ ترکيب له عسل سره د پوستکي د تازه والی او روښانتيا لامل کېږي.
د بادرنگ ترکيب له نعناع سره د خواړه د ښې هضم او د هاضمي سیستم د ښې فعاليت لامل کېږي.
د بادرنگ ترکيب له ليمو سره د بدن د ايمني سیستم د پياوړتيا او د زړه د روغتيا لامل کېږي.
