ژباړه: ګلثوم محمدي
توربانجان د خوندورو سبزيجاتو په ډله کې راځي، چی ملايم طبع لري. د ځينو خلکو د تصور پر خلاف توربانجان د ويټامينونو او مغذي موادو بډايه ده. د وزن کمول، د زړه روغتيا، د التهاب ضد، د وينې شکر تنظيمول او د پوستکي روغتيا د توربانجانو له ځانگړتياوو څخه شمېرل کېږي. همدارنگه توربانجان د لږ کالوري، لوړ فايبر او انتي اکسيدان په لرلو سره د سالم غذايي رژيم کې له اصلي اجزاوو څخه کېدای شي.
که تاسو د توربانجانو مينهوال ياست، خو د گټو په اړه یې معلومات نه لرئ، په دې لیکنه کې یې درته واضح کوو.
د توربانجانو تغذيي ارزښت
د دې مغذيي مواد د تغذيي ارزښت ته په پام سره بايد ووايو چې په هر سل گرامه تور بانجانو کې لږ تر لږه 25 کيلو گرامه کالوري، 6 گرامه کاربوهيدرات، 3 گرامه قند، 3 گرامه فايبر، 1 گرامه پروټين، 0,2 گرامه غوړ، 2 ميلي ګرامه ويټامين C او 3,5 ميکرو گرامه ويټامين K، فولاټ 0,1 ملي گرامه، پوټاشیم 230 ملي گرامه، منگز 0,2 ملي گرامه، مگنيزيم 14 ملي گرامه او همدارنگه په لږ کچه مس او ويټامين B6 هم لري.
د توربانجانو گټې
د توربانجانو گټې خورا ډېرې او له مغذي مواد څخه ډکې دي. توربانجان په خپل ترکيب کې په زياته کچه فايبر او نور گټور مواد لري، چې د زړه د روغتيا لامل کېږي او د کلسټرول په کنټرول کې هم مرسته کولای شي. همدارنگه په دغه مغذي موادو کې د پوټاشيم او مگنيزيم شتون د دې لامل کېږي، چې د وينې فشار منظم شي او د زړه ناروغيو د اخته کېدو خطر کموي.
ناسونين د انتي اکسیدان يوه بېلگه ده، چې په ځيگر کې د التهاب په کمولو کې مرسته کوي. دا مواد د ځيگر د ښه فعاليت لامل کېږي. د توربانجانو له مهمو ځانگړتياوو د هغې ترکيب له مستو سره ده، چې د هاضمي سيستم په ښه کولو کې مرسته کوي. توربانجان او مستې د التهاب ضد ځانگړتياوې لري. د معدې د زخم مخنيوی کوي او د غذا د ښې هضم لامل کېږي.
نن سبا توربانجان په نړۍ کې په بېلابېلو رنگونو لکه سپين، ژېړ، سور او شنه (سبز) رنگ کړل کېږي. سپين رنگه بانجان د وينې شکر په کنټرول کې مرسته کوي. همدارنگه په دې مغذي موادو کې د فايبر شتون د شکر يا گلوکوز د جذب کچه کموي. دا چې د گلوکوز کچه کنټرولوي يوه غوره انتخاب د هغو کسانو لپاره دي چې د شکر يا ديابت ناروغۍ لري.
د پوستکي روغتيا او د بدن د ايمني سیستم پياوړتيا
په توربانجانو کې شته انتي اکسیدان او مغذي مواد د پوستکي د روغتيا او ښکلا لامل کېږي. د تور بانجان له مهمو ځانگړتياو د پيري زودرس نښې کمول دي. په توربانجانو کې شته ناسونين آزاد راديکالونو له منځه وړي او د پوستکي چين او چروک کموي. همدارنگه توربانجان د اوبو او فايبر په لرلو سره د پوستکي د تازه والي لامل کېږي.
په توربانجانو کې د انتي اکسيدانو لکه ناسونین او فلاونوئید شتون د بدن د ايمني سیستم د پياوړتیا لامل کېږي. همدارنگه په تور بانجانو کې شته ويټامين C د سپين حجرو په توليد کې مرسته کوي او د انتانانو په کمولو کې اغېزمن رول لوبوي.
د توربانجانو زيانونه
تور بانجان بدن ته ډېرې گټې لري؛ خو که په مصرف يې افراط وشي، ښايي بدن ته زيان ورسېږي. د توربانجانو زيانونه عبارت دي له: د هاضمي سيستم ستونزه لکه د معدې نفخ، د معدې تحريک يا رفلاکس، حساسیت يا آلرژي، د اوسپنې د جذب ستونزه، په گرم مزاج خلک کې د بخار يا آکنه ايجاد او د پوستکي د خارښت لامل کېدای شي.
