د «نړيوال قانون؛ په غرب او اسلام کې» تر سرلیک لاندې، د زاهد جلالي له خوا لیکل شوی کتاب دی. چې په دې اثر کې د لوېدیځ اوسنی واکمن قانون او نظم او هم د اسلامي پېر قانون څېړل او ارزول شوی دی. کتاب ۳۵۰ مخونه لري.
په ټوله کې کتاب په دوو برخو وېشل شوی:
د لوېدیځ نړیوال قانون – د نړیوال قانون بنسټونه، تعریفونه، اصول او جوړښتونه، له یوه انتقادي لید سره. دا برخه ښکاره کوي چې څنګه نړیوال قانون د لوېديځ تر ارزښتونو او ګټو محدود او مفید جوړ شوی دی.
اسلامي نړیوال قانون – یوه لنډه خو ژوره برخه، چې ثابتوي: زموږ خپله فکري، حقوقي او تمدني نقشه شته. موږ تقلید ته نه، درک ته اړتیا لرو!
که د یوه لوستونکي په توګه د نړیوال قانون، سیاست او نظم په اړه پوښتنې لری، نو دا کتاب هماغه ته اکاډمیک ځواب دی.
یانې څه شی دا کتاب ځانګړی کوي؟
• ساده او روانه ژبه
• د فکري آزادۍ روڼ انځور
• انتقادي تحلیل او خپلواکه ژبه
• له غزې وروسته نړیوال قانون ته ځانګړی څپرکی
دا کتاب د حقوقو محصل، د سیاست مینوال، او د نوي نظم د لټون لپاره یو ضروري اثر دی.
که فکر کوی چې اکاډمیک بنسټونه باید یوازې د لوېدیځ تقلید ونهکړي، دا کتاب ولولی او د نوې نړۍ لپاره انګېزه ومومئ.
کتاب تازه اکسوس کتابپلورنځي خپور کړی، لیکوال یې وایي څه باندې اووه کاله یې پرې زیار ګاللی او له جوړښت ښکاري چې بډایه متن لري او پښتو ژبې ته د داسې اثارو پنځول یوه لویه پېرزوینه ده.
د کتاب مینوال کولای شي د کندهار، مزار شریف، ننګرهار، خوست، لوګر او غزني کتابپلورځیو څخه یې ترلاسه کړي.
د یادونې وړ ده چې د کتاب بیه ۲۲۰ افغانۍ ټاکل شوې ده.
