ژباړه: ګلثوم محمدي
توت زميني په نړۍ کې د مشهور او خوندورو مېوو په ډله کې راځي. د دې مېوې خوند خوږ او يو څه تروش دی. د زړه راښکونکي رنگ په لرلو سره له مغذي مواد څخه لکه ويټامين، انتي اکسیدان او معدني موادو څخه ډکه دي، چې بدن ته خورا گټور تمامېدای شي.
په دې ليکنه کې د توت زميني په اړه بشپړ معلومات ترلاسه کولای شئ.
د بدن د روغتيا لپاره د توت زميني گټې
توت زميني له مغذي موادو څخه ډکې دي چې بدن ورته اړتيا لري. توت زميني په خپل ترکيب کې په زيانه کچه ويټامين C لري، چې له پوستکي، هډوکو او غاښونو څخه ساتنه او د بدن د ايمني سيستم د پياوړتيا لامل کېږي. دغه مېوه همدا راز په خپل ترکيب کې انتي اکسيدان او نور گټور مواد لري. انتي اکسيدان په بدن کې د سرطاني ناروغيو څخه مخنيوی کوي او د زړه د روغتيا لپاره هم گټور دي.
توت زميني د فايبر يوه غوره سرچينه ده، چې د هاضمې سیستم په ښه کولو مرسته کوي او له قبضیت څخه مخنيوی کوي. په دغه مېوو کې د پوټاشيمو شتون د دې لامل کېږي، چې د وينې فشار منظم شي او د کلسټرول په کنټرول کې هم رول لوبوي.
توت زميني په خپل ترکيب کې په زياته کچه ويټامين C او آنتوسیانين لري، چې د سترگو د روغتيا لپاره گټور تمامېدای شي. سربېره پر دې، توت زميني د اعصابو د ښې فعاليت لامل کېږي او د ځينو عصبي ناروغيو لکه آلزايمر او زوال عقل د اخته کېدو خطر کموي.
د سرطان پر وړاندې د بدن ساتنه
توت زميني په خپل ترکيب په زياته کچه انتي اکسيدان لکه فلاونوئيد او فنوليک اسیدونه لري، چې له بدن څخه د سرطان په وړاندې ساتنه او د اخته کېدو خطر کموي. د دې مغذي مواد ترکيب کولای شي، د آزاد راديکالونو سره مبارزه وکړي او د DNA زيان مخه ونيسي. څېړنې ښيي چې د توت زميني کارول د ځينو سرطانونو لکه د کولمو او سینې سرطان د اخته کېدو خطر کموي.
د وزن کمول
توت زميني د لوړ فايبر او لږ کالوري په لرلو سره د وزن په کمولو کې مرسته کوي. په توت زميني کې شته فايبر د دې لامل کېږي چې تاسو د موړتيا (سيري) احساس وکړئ او له ډېر خوراک څخه مخنیوی کوي.
