ژباړه: حامد بهیر
لیکوالي یا لیکل د انسانانو ترمنځ یو پل دی، چې یو بل ته د افکارو، هیلو او احساساتو لېږد پرې کوي. موږ ټول په لیکلو کې لاس لرو. ځینې د ورځنیو کارونو لکه: یاداښت، اداري راپور، په مدرسه کې انشا او … په لیکلو پیل کوي.
خو د یوه مسلکي او عادي لیکوال توپېر په څه کې دی؟ لیکوالي د مختلفو افرادو له نظره مختلف تعریفونه لري، ځینې مسلکي لیکوالي د ټول وخت شغل بولي، چې له لیکلو نه پرته به بل کار نه کوي. ځینې بیا هغه خلک چې د لیکوالۍ نه درامد لري لیکوالان بولي. خو په رښتیا لیکوال څوک دی؟
هر هغه څوک چې لیکل کوي او له لیکلو سره مینه لري؛ که کتاب یې چاپ کړی وي یانه. د لیکوالۍ هنر په دوام او استمرار باندې دی، چې په کار کې یې ولري. هغه مینه او علاقه چې د کلمو په وسیله یې په خطونو کې ځای په ځای کوي، تر هغه څه چې د کاغذ په مخ یې لیکلي. خلاق لیکوال په نوښت او د خلق لپاره په هڅه د اثارو په خلق باندې پیل کوي.
ښایي خوښیږي مو چې قلم ته لاس کړو، خو تصور به کوو چې ددې کار وړتیا نه لرو. استعداد هغه کلمه ده چې په ډيرو موردنو کې بهترینه او ذوق لرونکې قریحه له منځه وړي.
په یوه لیکوال باندې د ځان بدلولو لپاره یوازې باید ولیکو. تکرار او تکرارا به له موږ نه یو لیکوال جوړ کړي. همدا رنګه کولای شو په انلاین ډول له لیکوالانو نه زده کړه وکړو او له تجربه لرونکو خلکو نه په دې برخه کې مرسته وغواړو، د هر کار پیل په لومړیو کې ګران وي، خو په پای کې دوام هغه څه دي چې موږ په خپلې موخې ته رسوي.
یو ښه لیکوال د باید تل یوه د یاداښت کتابچه له ځان سره ولري، دا د لیکوالۍ په برخه کې یوه مهمه موضوع ده. مفکورې په هر وخت کې امکان لري زموږ ذهن ته راشي، مثلن په لاره د تګ په مهال، ډرېوري، د ورځنیو کارونو ترسره کول او د یوې صحنې لیدل، که یوه لنډه کیسه یا … لولو، خپل فکرونه مو باید په کتابچه کې ولیکو، تر څو چې دوهم ځلې وخت پیدا کړو او په هغو باند کارو وکړو.
د لیکوال جوړېدو لپاره موږ اکاډمیکي زده کړو ته اړتیا نه لرو. ښه هنر لیدل او اروېدل دي، چې د لیکوالۍ د لومړنیو الفبا څخه دي. په یوه بل ډول باندې مو شاوخوا ته باید وګورو او هغه څه چې وینو تصور یې کړو، خپلې اخیستنې او فکرونه مو د کیسې کلمو ته بدلوو. دا یو ښه تمرین دی د لیکوال کېدو لپاره. موږ د هرې تحصیلي او کاري زمینې سره لیکوال کېدلای شو. لکه څنګه چې ځینې شاعران او لیکوالان نور شغلونه لري.
