ژباړه: ګلثوم محمدي
نوش پياز (Spring onions) چې د شنه پياز په نوم هم پېژندل کېږي، په نړۍ کې د خوندورو سبو په ډله کې راځي، چې له مغذي موادو څخه ډکې دي.
د ازاد راديکالونو سره مبارزه، د التهاب ضد، د مضره باکتريا د ودې مخنيوی، د وينې شکر کمول، د هډوکو پياوړتيا او د هضم ښه کول د دې مغذي مواد له مهمو ځانگړتياوو څخه شمېرل کېږي.
نوش بدن ته دا وړتيا ورکوي چې بدن ډېر انسولين توليد کړي او د ديابت د اخته کېدو خطر کموي. سربېره پر دې نوش پياز د کروميوم(Chromium) په لرلو سره د وينې شکر په کنټرول کې هم مرسته کوي.
نوش د هغو کسانو لپاره چې د پښتورگو ستونزه لري هم گټور تمامېدای شي.
نوش پياز لږ کالوري او لوړ فايبر لري، چې کولای شي د وزن په کمولو کې مرسته وکړي. همدارنگه دا سابه د مغذي موادو لکه ويټامين A, C, K او فوليک اسيد په لرلو سره د بدن د عمومي روغتيا لپاره اړين گڼل کېږي.
په نوش پياز کې شته فايبر اشتها کنټرولوي. دغه سابه همدا راز په خپل ترکیب کې په زیاته کچه ويټامین C لري چې د بدن د ايمني سیستم د پياوړتيا لامل کېږي. نوش پياز د باکتريا او ويروس ضد ځانگړتياوې لري چې کولای شي د ويروسونو او انتاناتو په درملنه کې مرسته وکړي.
سربیره پر دې نوش پياز د زکام په درملنه کې هم گټور تمامېدای شي.
نوش پياز د اړتيا وړ ويټامينونو او مغذيي موادو لکه فولاټ، ويټامينA، ويټامين C او فايبر په لرلو سره د جنين د ودې لپاره خورا مهم مواد دي.
په نوش پياز کې د کلسيم او ويټامينK شتون د هډوکو د پياوړتيا لامل کېږي.
