کابل ښاروالۍ خبر ورکړی چې د ګلباغ سړک د دویمې برخې دویمه طبقه قیر چارې به ژر بشپړې او یاد سړک به د ترافیکو پر مخ پرانیستل شي.
د دې ادارې د خبرپاڼې له مخې، د ګلباغ سړک له فیصل ښارګوټي څخه تر ګلباغ پله پورې ۲ زره ۳۹۶ متره اوږدوالی او ۳۳ متره سور لري چې د ښاري معیارونو له مخې طرحه شوی دی.
کابل ښاروالۍ لیکلي چې دغه راز د ګلباغ دویم پل، چې کانکریټ یې د معیاري کلکوالي تر کچې د رسېدو لپاره اړینه موده تېره کړه، د ترافیکو پر مخ پرانیستل شوی دی.
د مسوولینو په ویناچې د ګلباغ د سړک او پله د پاتې چارو په بشپړېدو سره به له یوې خوا د وسایطو او ښاریانو په تګ راتګ کې د پام وړ آسانتیاوې رامنځته او بلخوا به په دې سړک کې ترافیکي ګڼه ګوڼه کمه شي.
