له غیرطبعي زراعتي درملو څخه د گټې اخیستنې پایلې

ژباړه: حامد بهیر

له کیمیاوي موادو (غیرطبعي زراعتي درملو ) څخه استفاده د انگورو په تاکونو کې کولای شي چې د انسانانو په روغتیا باندې زیات تاثیرات ولري؛ په ځانگړي ډول هغه وخت چې دغه مواد له اندازې نه ډېر یا په ناسم ډول استفاده شي.

د دې لیکنې په دوام به یې څو اغیزو ته اشاره وکړو.

1. شدید مسمومیت

د هغه انگورو او محصولاتو څخه گټه اخیستنه چې د کیمیاوي موادو د پاتي شونو لرونکي وي، کولای شي د شدید مسمومیت لامل شي، نښې یې په لاندې ډول دي.

* د زړه بدوالي یا د استفراق حالت

* سر درد او سر گرځېدل

* هضمي ستونزې

* عمومي کمزوري او ستړیا

2. اوږد مهاله ستونزې

د کیمیاوي موادو د ناروغیو عادي نیول ښایي د لاندې پایلو درلودنکې شي.

* سرطان: زياتره ددې موادو څخه د سرطان د ناروغۍ پیدا کونکي دي، چې د سرطان ډوله ناروغیو لکه؛ د وینې سرطان، د جیگر سرطان او داسې نورو ناروغیو باندې د مبتلا کېدو امکان ډېروي.

هورموني گډوډي: دا مواد کولای شي د هورومونونو په کار کې گډوډي رامنځ ته کړي او د ولادي، د ماشومانو په وده کې ستونزې او د نورو ستونزو د پیدایښت لامل شي.

* عصبي ناروغۍ: ددې موادو سره اوږد مهاله اړیکه کولای شي د پارکینسون او آلزایمر په ډول ناروغیو باندې د اخته کېدو لامل شي.

3. الرژي او حساسیت

د کیمیاوي موادو بعضې برخې کولای شي د پوستکي د حساسیت، بخار، او د تنفسي ستونزو د پیدا کېدو لامل شي.

4. د غذایي موادو ککړتیا

د کیمیاوي موادو پاتي شوني کولای شي نه یوازې په انگورو بلکې په د هغه څخه په جوړو شوو محصولاتو کې هم پاتې شي لکه: د انگورو اوبه، ممیز او نور

دا ککړتیا کولای شي د انسان روغتیا ته زیان ورسوي.

5. د بدن د معافیتي سیستم کمزوري

په کیمیاوي موادو د ککړو خوړو مصرف، د ناروغیو په مقابل کې د بدن وړتیا کموي او معافیتي سیستم کمزوی کوي.

6. د اوبو او خاورې ککړتیا

کیمیاوي مواد کولای شي د ځمکې لاندې اوبو ته هم لاړ شي، د څښاک اوبه ککړې کړي چې له هغې څخه گټه اخیستنه د جدي ناروغیو د زیاتوالي لامل گرځي.

د کیمیاوي موادو د خطرونو څخه د مخنیوي لارې چارې

* مخکې له مصرف څخه د انگورو او نورو زرعتي محصولاتو مینځل، د کیمیاوي موادو د پاتې شونو څخه.

* د ارگانیکو محصولاتو څخه استفاده، یا هغه محصولات چې د هغې په کرنه کې له طبعي میتودونو څخه استفاده کېږي.

* په زرعت کې د ساتندویو اصولو رعایت او نظارت د کیمیاوي موادو د پاتې شونو څخه.

* د کیمیاوي موادو د دوام لپاره د وخت مراعاتول او د ککړتیا څخه د مخنیوي لپاره د محصولاتو اخیستنه.

د کیمیاوي موادو څخه گټه اخیستنه، هر څومره چې ممکن وي په زراعتي موادو کې زیاتولای راولي، خو د انسان په روغتیا باندې منفي اغېزې هم لري، په ځانگړي ډول د هغو له مستقیم مصرف یا د غذایي موادو ککړتیا، ډېره خطرناکه ده. د اصولو په رعایت او د مناسبو روشونو په عملي کولو سره کولای شوو دا خطرونه را کم کړو او د ټولنې روغتیا وژغورو.