ژباړه: ګلثوم محمدي
روغتيا فعالان وايي چې انسان بايد د خپل جسمي او رواني روغتيا لپاره له مغذي موادو څخه گټه واخلي. لېمو د لاسرسي وړ او اقتصادي مېوه دي، چې بدن لپاره خورا گټور تمامېدای شي. د ځانگړي خوند، رنگ او بوی په لرلو سره له مغذي موادو څخه مالامال دي.
دا کوچنۍ، زېړ رنگه مېوه چې په خواړو او څښاکونو کې کارول کېږي، د ويټامين C، انتي اکسیدان او معدني موادو کې بډايه ده. د بدن ايمني سیستم پياوړتيا، د پوستکي روغتيا، د هاضمي سیستم فعاليت ښه کول، سالم زړه او د وزن کمول د ليمو له مهمو ځانگړتياوو څخه شمېرل کېږي.
که تاسو د خپل روغتيا د ښه کولو لپاره د طبیعي لارو په لټه کې ياست د ليکنې مطالعه مه هېروئ.
د ليمو ترکيب او تغذيي ارزښت
ليمو په خپل ترکيب کې په زياته کچه ويټامين C، اوبه، فايبر، کربوهیدرات، پروټین، انتي اکسیدان، فلانوئيد، د B گروپ ويټامينونه، ويټامين A، اسیدونه لکه: سیتریک، مالیک، اگزالیک، کوئینیک او مالونیک، معدني مواد لکه: پوټاشیم، مگنيزيم او کلسيم لري. ليمو له ډېرې پخوا څخه په سنتي طب کې ځانگړی ځای لري.
د ليمو د تغذيي ارزښت ته په کټو بايد ووايو چې په هر سل گرامه ليمو کې لږ تر لږه:
۲۹ کیلو کالوي، ۹ گرمه کربوهیدرات، طبیعی قند ۲.۵، فایبر ۲.۸، پروټين ۱.۱، ۵۳ میلی گرمه ويټامين C، پوټاشیم ۱۳۸ میلی گرمه، ۲۶ میلی گرمه کلسيم او ۰،۶ میلی گرمه اوسپنې لري.
د ليمو گټې
ليمو هاضمي سیستم لپاره خورا گټور تمامېدای شي. د ليمو او مالگې ترکيب د خواړه د ښې هضم لامل کېږي.
همدارنگه ليمو د زړه بدوالي په کمولو کې هم مرسته کوي.
ليمو په خپل ترکيب کې فايبر لري، چې د وزن په کمولو کې مرسته کولای شي. دغه مېوه د بدن د متابوليزم په لوړول سره د غوړ د جمع کېدو مخه نيسي. د ليمو ترکيب له گرم اوبو سره هاضمي سیستم فعال ساتي او د قبضیت مخنيوی کوي.
په ليمو کې د اسید سیتریک شتون په پښتورگو کې د ډبرو د جوړېدو مخنيوی کوي.
په ټوله کې دغه مېوه په خپل ترکیب کې گڼ شمېر معدني مواد هم لري.
په ليمو کې شته پوټاشیم فلاونوئيد او انتي اکسيدان د وينې فشار تنظيموي او د زړه ناروغيو د اخته کېدو خطر کموي.
ليمو له ډېرې پخوا څخه په دوديز طب کې ځانگړی ځای لري او د طبیعي درمل په توگه پېژندل کېږي.
ليمو د ځيگر د روغتيا لپاره گټور تمامېدای شي. همدارنگه دا گټور مواد د سم يا زهر ضد ځانگړتياوې لري، چې له بدن څخه د زهري مواد په لرې کولو کې مرسته کوي.
ليمو د ويټامين C يوه غوره سرچينه ده. دا ويټامين د سپينو حجرو د پياوړتيا لامل کېږي.
د ليمو اوبه ترکیب له شاتو سره د بدن معافيتي سیستم پياوړی کوي او د ويروسونو او انتانونو د مبارزې سره د بدن وړتيا زياتوي.
ليمو د زکام په مخنيوی او ښه کولو له خورا اغېزمنو مېوو څخه شمېرل کېږي.
د ليمو اوبه ترکيب له زنجبيل سره د بدن ايمني سیستم پياوړي کوي. دا ترکيب نه يوازې چې د بدن معافيت زياتوي، بلکې د توخی په کمولو کې او د تنفسي سیستم لپاره هم گټور دي.
ليمو د ويټامين C، انتي اکسيدان او فلانوئيد په لرلو سره د سرطان ضد ځانگړتياوې لري او سرطانونو د ودې مخنيوی کوي.
د مخ د پوستکي لپاره د ليمو گټې
په ليمو کې د ویټامین C شتون د کلاژن په توليد کې مرسته د او پوستکي د داغونو( لک های پوستي) په له منځه وړلو مرسته کوي.
د ليمو د باکتريا ضد ځانگړتياوې د دې لامل کېږي، چې د پوستکي غوړ کم شي، د آکنه يا بخار د درملنې لپاره هم مؤثر تمامېږي.
د ليمو ترکيب له گرم اوبو سره د پوستکي د روښانتيا لامل کېږي.
