لکه څنګه چې په ظاهري توګه د نارینهوو بدن تر ښځینهوو پیاوړی ښکاري، همداسې د خوراک په برخه کې هم ښځینه د نارینه په پرتله ګټورو خوراکي توکو ته اړتیا لري، چې خپلې ورځينۍ چارې په سمه توګه ترسره کړي. د دغو ګټورو خوراکي توکو له ډلې څخه یوه هم خرما ده چې د انسانانو په ځانګړې توګه د ښځو لپاره ډېره ګټوره ده چې په لاندې توګه یې د یوشمېر ګټو یادونه کوو.
۱. د وېښتانو پیاوړتیا او د تویېدلو مخنیوی
دا یوه مشهوره خبره ده چې د ښځو نیم ښایست د هغوی په وېښتانو کې دی، خو ډېری ښځې له دې ستونزې څخه کړېږي، د ښځو لپاره د خرما یوه ګټه دا ده چې د وېښتانو د تویېدلو مخه یې نیسي او د پیاوړتیا لامل یې کېږي.
۲. د زړه د ناروغۍ مخنیوی
د زړه ناروغي یوه خطره ناکه ناروغي ده، نو هغه ښځې چې دا ناروغي لري ښه ده چې تل خرما وخوري.
۳. د هډوکو د ورستېدلو مخنیوی
د هډوکو ورستېدل یوه عامه ناروغي ده چې ډېری په لویانو کې لیدل کېږي. د دې ناروغانو لپاره هم د خرما خوړل ډېره ګټه لري.
۴. د پوستکي تازه کېدل
دا د هر چا هیله ده چې تازه پوست ولري، هغه ښځې چې غواړي دا هیله یې پوره شي، تل باید خرما وخوري.
۵. د امنېدوارۍ پرمهال د مور او ماشوم د پیاوړتیا لامل کېږي
امېندواري یو حساس پړاو دی او په دې پړاو کې هره ښځه اړتیا لري چې داسې خوراکي توکي وخوري چې د ځان او ماشوم لپاره یې ګټور وي لکه خرما.
