له بالښت پرته د خوب حیرانوونکې ګټې/ ډاکتر احمدالله مزمل

خوب د انساني روغتیا لپاره اړین او ضروري دی. له خوب پرته انسان نه شي کولای په سم ډول خپل فعالیتونه ترسره کړي او همدا خوب دی چې انسان ته انرژي ورکوي او ایا له بالښت پرته د خوب کولو له شپږ حیرانونکو ګټو خبر یاست؟
د ملا درد کموي
په ځینو بالښتونو د خوب په وخت کې زموږ د بدن د حالت توازن ګډوډ وي او که څه هم بالښت په مستقیم ډول د ملا درد نه رامنځته کوي، خو د ملا درد په صورت کې دغه درد زیاتوي.
او کله چې له بالښت پرته خوب کوو، نو دا زموږ د ملا تېر ته د آرام فرصت ورکوي او بدن مو په طبیعي حالت کې خوب ته برابرېږي، چې فشار پرې نه راځي او د ملا درد نه خلاصېږو.
د سر درد آراموي کوي
که تاسو سهار له خوبه تر پاڅیدو وروسته د سر دردۍ احساس کوئ، نو دا ستاسو د بالښت له امله وي. په بالښت باندې سر ایښودل د لوړوالی له امله په اعصابو باندې فشار راوړي او په سر کې د وینې په جریان اغیزه کوي چې د سر درد لامل کیږي او پرته له بالښته خوب کول له درد څخه په خلاصون کې مرسته کوي.
د غاړې درد کموي
د غاړې درد یا شخوالی چې د بالښت له امله رامنځته کیږي د ناراحتۍ لامل کیږي او چیرې غاړه د اوږدې مودې لپاره ځوړنده وي، نو د غاړې په عضلاتو کې فشار راځي چې د غاړې درد لامل کیږي. که له بالښت پرته خوب وشي، نو د خوب حالت به طبیعي شي او غاړه به په مستقیم ډول پاتې شي.
ذهني فشار کموي
که بالښت مو د ژور خوب کولو ته نه پرېږدي، نو دا به ستاسو په دماغو فشار زیات کړي ځکه چې ژور خوب د بلې ورځې لپاره د تازه ګۍ لپاره وي. نو که تاسو د شپې خوب نشئ کولی د خپل بالښت په لرې کولو سره د خوب کولو عادت پیدا کړئ.
د مخ دانې ختموي
ځینې ​​خلک د بالښت پوښ تر ډېره وخته نه وینځي، نو په هغې کې دوړې، کثافات او میکروبونه د مخ د پوستکي په سوریو کې ځای پرځای کیږي او د مخ دانو لامل کیږي. نو که تاسو په خپل مخ د دانو نښې نښانې لرئ نو خپل بالښت ته پام وکړئ او هڅه وکړئ چې پرته له بالښته خوب وکړئ.
ویښتانو ته ګټه لري
که ویښتان مو په سهار کې وچ او ګډوډ وي او ږمنځول یې ستونزمن وي، نو غوره ده چې خپل بالښت لیرې کړئ. کله چې د خوب په وخت کې اړخ بدلوئ نو ویښتان مو ورسره خرابېږي او نمي یې ختموي.