لیکوال: عبیدالله حسام
مخکې له دې چې حساب درسره وشي، تاسې په خپله له ځان سره حساب کوئ. په دوامداره توګه له ځان څخه حسابي غواړئ چې د خیر کارونه مو ډېر کړي، که د شر.
که د نیکیو په حساب کې باقي شوئ او ګناهونه مو ډېر و، توبه مو تور حساب سپینوي.
خپل عملونه وتلئ، مخکې له دې چې ستاسې عملونه وتلل شي. داسې نه چې په بې پروایۍ ورځ تر بلې د نیکو عملونو تله سپکېږي او بله ورځ ګورئ چې د الله تعالی پر وړاندې مو د نیکو عملونو تله سپکه او د بدیو هغه درنه وي.
بریالي انسانان هره شپه له ځان سره حساب کتاب کوي او تل خپل عملونه تلي.
هره شپه چې د خوب بسترې ته ورتللئ، مخکې له دې چې ویده شئ، یوه حسابي له ځان سره کوئ.
