ژباړه: محمدحامد بهیر
۱ – له دوو ځلونو زیات چاته پرله پسې زنگ مه وهه. که ځواب یې درنکړ، داسې یې وبولئ چې په کوم مهم کار باندې مصروفه دی.
۲ – هغه پیسې مو چې قرض کړې دي، مخکې له دې چې د مقابل لوري ته وریاد شي یا یې وغواړي، بېرته یې ورکړئ. دا ستاسو د صداقت او شخصیت ښکارندویي کوي، دا قانون د خوړو مېز او په هوټلونو کې هم صدق کوي.
۳ – کله چې څوک تاسې ډوډۍ یا شپې ته بلنه درکوي، د گران بیه خوړو فرمایش مه ورکوئ.
۴ – هغه سوالونه چې څوک یې نه خوښوي، مه کوه لکه: “نو تر اوسه دې واده نه دی کړی؟” یا “تر اوسه اولاد نه لرې؟” ” ولې کور نه اخلې؟” “ولې موټر نه اخلې؟” دا ستاسو مشکل نه دی او نه تاسو پورې اړه لري.
۵ – هر وخت هغه چاته چې له تاسو شاته را روان وي لاره خلاصه پرېږدئ، که نر، ښځه، لوی او ماشوم وي مهمه نه ده، په عمومي ځایونو کې په ښه چلند کولو سره نه مو څه نه کمیږي.
۶ – که له ملگري سره مو په موټر کې چېرته تلی او پیسې هغه ورکړې، بل ځل کوښښ وکړئ تاسو یې ورکړئ.
۷ – د افکارو تغییراتو ته درناوی ولرئ، کوم عدد چې ستاسو لپاره”6″ معلوميږي، ستاسو مخامخ نفر ته “9” ښکاري. په دې سربېره د دوهم نفر لرل د ځای ناستي لپاره ښه دی.
۸ – هېڅکله د چا خبرې مه پرې کوئ، اجازه ورکړئ تر څو یې خبرې وکړي. هماغه ډول چې وایي، ټول واورئ او ټول و پېژنئ.
۹ – که له چاسره مو لاس رو واچوو اوهغه خوند ترې وا نه خیست، بیا یې هېڅکله مه تکراروئ.
۱۰ – که چا مرسته در سره کوله، مننه ترې وکړئ.
۱۱ – په شتون کې یې تعریف وکړئ او په تنهایۍ کې پرې نقد وکړئ.
۱۲ – د چا دوزن په باره کې نظر ورکولو ته هېڅ دلیل شتون نه لري تنها دومره ورته و وایئ چې “ډېر ښه” که وغواړي د وزن د کموالي په اړه یې و غږیږي خپله وایي.
۱۳ – که په موبایل کې چا کوم انځور در ښودلو ښي او چپ لوري ته مه ځئ، هېڅکله نه پوهېږئ چې راتلونکی عکس څنگه دی.
۱۴ – که همکار مو وویل چې له ډاکتر سره لیدنه لرم، مه وایئ چې ولې. فقط ورته ووایئ چې “هیله لرم حالت دې ښه وي” هغه دې ته مه مجبوروئ چې مجبوره شي خپله شخصي ناروغي درته و وایي . که چېرې یې غوښتل چې درته ووایي نو په همغه لومړي ځل یې ویل.
۱۵ – له صفا کار سره داسې چلند وکړئ لکه څنگه یې چې له خپل مسکي مدیر سره کوئ. څوک مو چې تر لاس لاندې دي ستاسو د بد چلند له امله ستاسو تر تاثیر لاندې نه راځي، خو که ښه چلند ور سره وکړې دخلکو پام در اوړي.
۱۶ – که چا در سره په مستقیم ډول خبرې کولې هغه وخت په موبایل کې گوتې وهل مو بې ادبي ده.
۱۷ – تر څو چې غوښتنه درنه نه ده شوې نصیحت مه کوه.
۱۸ – که زیات وخت وروسته څوک وینې، تر څو یې چې خپله نه دي غوښتي په اړه یې خبرې وکړي، د هغه د سِن او حقوقو په اړه پوښتنه مه ترې کوه.
۱۹ – تر څو چې کوم څه په تاسو پورې په مستقیم ډول اړه ونه لري، کار مه پرې لرئ.
۲۰ – که په دښته کې له چا سره خبرې کوئ، خپلې د لمر ضد عینکې لرې کړئ. دا د درناوي نښه ده، په دې سربېره دسترگو اړیکه ستاسو د خبرو په اندازه مهمه ده.
۲۱ – هېڅکله د خپلې سرمایې په اړه د غریبو خلکو په مخ کې مه غږېږه، په همدې ډول د خلکو په منځ کې د خپلو هغو زامنو په اړه چې نه دي زېږدلي خبرې مه کوه.
۲۲ – د یوه ښه پیغام له لوستلو وروسته کوښښ وکړئ چې د پیغام لېږونکي څخه مننه وکړئ، درناوی تر ټولو ساده لاره ده د هغه څه د لاس ته راوړلو له پاره چې نه یې لرئ.
