ژباړه: ګلثوم محمدي
ستړيا د انرژي د نشتوالي احساس ته ويل کېږي. دغه احساس د بې خوبي يا خواب الودهگي په څېر نه دی. کله چې تاسو ستړې ياست، تاسې کومه ځانگړي انرژي او انگيزه نه لرئ. ښايي ځينې وختونه ستړيا د سپورټ نه کول يا هم د غذايي رژيم له امله وي. که ستاسو ستړيا په خوب کولو يا هم مناسبه غذايي رژيم نه حل کېږي. يا هم شک لرئ، چې ستاسو ستړيا د جسمي يا رواني روغتيا له امله ده. تاسو بايد لومړی له داخلي متخصص سره خبرې وکړئ. هغه کولای شي ستاسو د ستړيا د لامل په پېژندلو کې مرسته وکړي.
څه شی د ستړيا لامل کېږي؟
ستړيا دېر لاملونه لري. اما په عمومي توگه په دريو برخو ويشل کېدای شي.
1- د ژوند په طرز سره تړلی عوامل؛
2- د جسمي روغتيا وضعيت؛
3- رواني روغتيا.
که تاسو د ستړيا احساس کوئ. ښايي ستاسو د ژوند طرز يا هم د ژوند ځينې نور فعاليتونو د ستړيا اصلي لامل وي.
د بېلگې په توگه ښايي چې ستړيا د لاندې لاملونو له امله وي:
جسمي هڅې، د بدني فعاليت نشتوالی، بې خوبي، د وزن ډېروالی يا چاقي، سټرس او هيجان، کسالت، د درد ارامونکو درمل يا د افسرده گي ضد ټابلېټونو کارول، د الکول کارول، د نشه يي توکو کارول، لکه کوکايين او کافيين، سم غذايي رژيم نه درلودل.
د جسمي روغتيا حالت
ډېری جسمي ناروغيو هم د ستړيا لامل کېږي، چې عبارت دي له:
د وينې کمښت، د عضلاتو او مفصلونو درد، ځينې عفونتونه لکه انفلونزا او زکام، د خوب ځينې اختلالونه لکه بې خوبي، سرطان، د پښتورگو دردونه، شکر يا ديابت، د ځيکر دردونه، ځينې رواني يا اروايي ستونزې هم کولای شي د ستړيا لامل شي لکه اضطراب او خپگان.
په ژوند کې کوم بدلونونه کولای شي د ستړیا په کمولو کې مرسته وکړي؟
ځينې فعاليتونه کولای شي د ستړيا په کمولو کې موږ سره مرسته وکړي. دغه فعاليتونه يا کارونه عبارت دې له:
کافي مايعات وڅښئ، سالم غذايي رژيم، په منظم ډول سپورټ وکړئ، ښه خوب وکړئ، له هغو شيانو څخه لرې واوسئ چې د سټرس لامل کېږي، په ځينو ارامونکو فعاليتونو برخه واخلئ لکه يوگا، د الکول، تنباکو او نورو نشهيي توکو له کارولو څخه ډډه وکړئ، له هغو کارونو يا هغه ټولنيز پلانونو چې ستاسو انرژي پکې ډېر مصرفېږي، ډډه وکړئ.
