ژباړه: حامد بهیر
1. د مطالعې تر ټولو ستونزمنه برخه دهغې پیل او ورته کیناستل دي.
2. بې گټې کتابونه لرې کړئ تر څو ارزښتمنو کتابونو ته مخه خلاصه شي.
3. د کتاب لوستل شاید ستاسو ژوند ته بدلون ورنکړي؛ خو هره ورځ مطالعه هرڅه تغییرولائ شي.
4. هغه کتابونه چې نوي لیکل شوي لږ ولولئ او تر ډېره هغه کتابونه ولولئ چې څو لسيزې شتون لري.
5. که کومه ورځ مو وویل چې د کتاب لوستلو ته وخت نه لری یوازې هغه وخت ته وگورئ چې د موبایل په استعمالولو سره یې مصرفوئ.
6. د کتاب لوستلو ټول ډولونه مطالعه ده؛ ټول ډولونه یې له چاپي کتابونو نيولې تر الکترونیکي او غږیزو پورې تجربه کړئ ترڅو مو ځان ته یو غوره ډول ترې انتخاب کړئ.
7. د هغو کتابونو شمیر چې لولئ یې مهم نه دی، مهم د هغو کتابونو شمېر دی چې په تاسو کې بدلون راولي.
8. خپل موبایل مو بې غږه کړئ او په بله کوټه کې یې پرېږدئ؛ وروسته به وگورئ چې ستاسو تمرکز لس برابره کېږي.
9. ښه کتابونه ولولئ، غوره کتابونه دویم ځلي ولولئ او لاغوره کتابونه دویم ځلې واخلئ.
10. داسې نه ده چې کتاب لوستونکي شئ او کتاب لوستل پیل کړئ؛ بلکې کتاب ولولئ ترڅو کتاب لوستونکي شئ.
11. ښه ده چې یو کتاب لرې کړی ددې پرځای چې د مطالعې ټوله بڼه ودروی.
12. که کتاب لوستلو ستاسو ژوند ته بدلون ورکړ، هر کال د یوه کتاب لوستل مو خپله موخه وگرځوئ.
13. هغه کتابونه چې خوند نه درکوي، ډالۍ یې کړئ؛ شاید نورو ته جالب وي.
14. تېز لوستل یانې بیا یې ژر ژر ولولئ او نیم معلومات مو ذهن ته وسپارئ.
15. د مطالعې لپاره غوره ځایونه؛ الوتکه، د سیند غاړه او بڼونه دي.
16. هغه مهارت چې په هر کتاب کې یې باید زده کړی، دادی چې ځان ته باید خپله کتاب وټاکو، نه دا چې د نورو د ټاکنې په تمه شو.
17. د یوه کتاب د خلاصې لوستل او دې ته فکر کول چې په هغې باندې پوه شوی، د فلم د ژر کتلو او دې ته د فکر کولو په ډول دی چې په ټول فلم پوه شوي یاست.
18. د تېز ویلو مانا داده چې کله دې وکولائ شوی چې یو کتاب ژر ژر ولولې. په حقیقت کې دا کتاب د لوستلو وړ نه دی. ځکه هغه کتابونه چې د لوستلو ارزښت لري، معمولاً ستاسو د لوستلو سرعت کموي او فکر کولو ته مو وربولي.
19. د مطالعې موخه په پوهېدنو عمل کول دی، نه د هغو حفظول. باید د حفظ او یادولو پر ځای، د هغوی څخه په ژوند کې گټه واخلو.
20. د کتاب لوستلو د عادت جوړونې لپاره، هره ورځ یوازې دوې دقیقې د مطالعې لپاره ځانگړې کړئ. د اندازه دومره کمه ده چې نه شی کولائ د هغې د پرېښودلو لپاره کومه منطقي او عقلي بهانه جوړه کړئ.
21. څوک چې د کتاب څخه خلاصه را ټولوي لس برابره له هغه چا څخه په گټه کې دی چې هغه یوازې لوستل کړي وي.
22. که کتاب مو لوستی وي او ستاسو په فڪر او کړنو کې کوم بدلون رانه غلو، پوه شی چې یا کتاب کمزوری دی یا تاسې هغه نه دی زده کړی.
23. د کتاب رانیول د هغې د خلاصولو سره د تعهد په مانا نه دی.
24. څوک چې په یوه کال کې تر سلو زیات کتابونه لولي، یا د هغې په بدل کې پیسې اخلي او یا هم تخیلي کیسې لولي.
25. هیڅ څوک دوه ځله کتاب نه لولي. ځکه دویم ځلي نه کتاب هغه کتاب وي نه شخص هغه شخص.
26. د کتاب اخیستل پانگونه ده، نه مصرف. ځکه امکان لري هغه کتاب مو چې په سل روپۍ اخیستی وي، لسگونه او سلگونه ځلې زیات تاسې ته گته در ورسوي او ستاسو په گټه تمامیږي.
27. د مطالعې لپاره مناسب چاپېریال د هغې د انگېزې نه غوره دی. متوسط کتاب په کتابتون کې په ارامه لولی تر دې چې یوه غوره کتاب په میلمستیا کې ولولی.
28. تل له ځان سره کتاب ولرئ. ځکه نه پوهېږی څه وخت فرصت پیدا کولائ شی.
29. کتاب ته وخت ورکړئ تر څو ستاسې سره اړیکه جوړه کړي. د هغې نه پرته که یې له تاسې سره اړیکه ټینگه نه کړه او له هغه سره مو مینه پیدا نه شوه، پرې یې ایږدئ.
30. هر وخت یو الکترونیکي یا غږیز کتاب په خپل موبایل کې له ځان سره ولرئ، ترڅو چې هر وخت مو فرصت پیدا کړ له هغې نه کټه واخلی.
31. لوی درناوی لیکوال ته دادی چې وښیئ کتاب مو یې لوستی، له هغې نه مو گټه اخیستې او دا هغه وخت کېدلی شي چې زموږ د لوستلو نښې په کې موجودې وي. ددې نه پرته هغه فکر کوي چې کتاب مو یې نه دی مطاله کړی.
32. زیات وخت مو د لنډو کتابو د لوستلو لپاره ځانگړی کړئ. زیاتره مهم درسونه په کوچنیو کتابونو کې نغښتي وي.
33. د همیشنیو ستونزو لپاره، همیشني کتابونه ولولئ او د ننیو ستونزو لپاره نني کتابونه ولولئ.
34. غوره کتابونه د ژوند اړتیاوې دي، په سلو افغانیو کولائ شی د لسو کلنو تجربه په لسو ساعتونو کې زده کړی.
35. د کتاب لوستلو د پیلولو لپاره غوره وخت لس کاله مخکې وو. دویم غوره وخت همدا نن دی، همدا اوس. شروع وکړه!
