د فکر په بیان کې مو د هېڅ څه نه هم مه ډارېږئ؛ بلکې بې ډاره یې ولیکئ.
ګټور نقدونه مو د د لیکوالۍ په برخه کې د پرمختګ لپاره جدي وګڼئ او له تخریب مه وېرېږئ.
تخریب یوه جوړه شوې پروسه ده، ستاسو د زړه بدوالي او ودې د مخنیوي لپاره، چې د مغرضو او حسودو خلکو له خوا په لاره اچول کېږي. خو جدي یې مه نیسئ او په دې باندې وویاړئ، چې کار مو د لیکوالۍ په برخه کې دومره مهم دی، چې د نورو کینه ستاسو په مقابل کې راولاړوي.
د زده کړې په پروسه کې مو له ډار او ځانغوښتنې څخه ډډه وکړئ او په دې باندې مه خپه کېږئ، چې ټول مو لیکنې او نظریې نه مني. نوې لارې پیدا کړئ او د هغه په رڼا کې مو لیکلو ته دوام ورکړی او هر کله مو چې له خپل کار نه زړه تور شو، مایوسه کېږی مه.
د فکر تولید، په مختلفو برخو کې د ژورې مطالعې په شان دی؛ یانې تر هغه چې تاسو کوم څه ونه لولئ او په اړه یې فکر ونه کړئ، په ذهن کې مو مفهوم شکل نه نیسي؛ خو دا مفهوم جوړېدنه یا شکل ګیري یوازې د هغه څه په اړه نه ده، چې لوستي مو دي؛ بلکې د بېلا بېلو کتابونو لوستل دي، په ځانګړي ډول د مسلکي کتابونو لوستل له تاسو سره دا مرسته کوي، چې د فکر وړتیا مو لوړه شي.
د لیکلوالۍ په پیل کې، مو د لیکلو شهامت او په ځان باور ډېر کړئ. له دې نه مه ډارېږئ، چې لیکنه مو یو لاس نه ده او له تېروتنو ډکه ده. تېروتنه او وروسته د هغه سمول د لیکوالۍ په پروسه کې طبعي وبولي او د سمې لیکنې لوري مو په ذهن کې پیاوړي کړئ.
له حده ډېر د مخاطب جذبونې په لټه کې مه کېږئ؛ ځکه چې ښه لیکنه خپل مخاطب خپله پیدا کوي.
زیاتو لوستونکو او ډېرو چک چکو ته مه خوشحالېږئ؛ ځکه که له دې مورد سره ځان عادت کړئ، داسې یوه ورځ چې کله مو یوه لیکنه کم خلک ولولي او ډېر خلک یې ونه ستایي، بیا به زړه ماتي وی او ښه احساس به ونلري.
په پای کې غواړم ووایم، چې په پرله پسې ډول لوستل وکړئ، حِس یې کړئ او ویې لیکئ.
لیکوونکي اوسئ!
ژباړه: حامد بهیر
