۱. لیکل له همغه ځایه پیل کړی، چې محتوا یې په ذهن کې لرئ؛ یانې له حاشیې لیکلو او مخکنیو خبرو څخه ډډه وکړئ او له یوې لارې سیده موضوع ته راشئ.
۲. د کلمو اقتصادي خوا ته هم پاملرنه وکړئ، تر کومه چې شونې وي، لنډ یې ولیکئ؛ خو په دې شرط چي مفهوم د ایجاز قرباني نشي.
۳. په جمله کې د ګډوډۍ د نه منځ ته راتګ له وجې، غوره دا ده، چې سرچینې او اشارې په لمن لیک کې ولیکوو.
۴. په څېړنیزو مقالو کې غوره دا ده، چې لومړی کلیدي کلمې او وروسته بیا لنډیز راوړو.
۵. د مقالې لیکلو ـ په ځانګړي ډول د څېړنیزو مقالوـ په مهال موضوع ته راتګ، د متن پراخوالی او د هغه موردونو پایله چې په مقاله کې مو مطرح کړې، له یاره مه باسئ، تر څو مو مقاله د یوه موضوعي انسجام څخه برخمنه شي.
۶. د دې موردونو د پوره کولو په پای کې، د یوه نقاد لوستونکي په ډول مو مقاله بیا ولولئ، سمون ورکړی او یا هم د لا ښه والي لپاره هغه یوه مسکلي کس ته واستوئ.
ژباړه: حامد بهیر
