د تایلنډ په کوربهتوب د «کانټېننټال» سیالیو په لړ کې د افغانستان فوټسال ملي لوبډلې د نیوزیلنډ فوټسال ملي لوبډلې ته ۱-۵ ماتې ورکړې ده.
د دغه لوبې لومړۍ نیمايي ١ پر ۱ مساوي پای ته ورسېده، خو په دويمه نيمايي کې د افغانستان د فوټسال لوبغاړو څلور ګولونه وکړل او لوبه يې وګټله.
افغانستان په دغو سیالیو کې خپله لومړۍ لوبه له کواتیمالا ۵-۴ ګټلې وه، خو دویمه سیالي یې بیا کوېټ ته ۴-۳ وبایلله.
دا سیالۍ په تایلنډ کې ترسره کېږي، چې د افغانستان په ګډون نیوزیلنډ، کوېټ، کواتیمالا او ټایلنډ فوټسال ملي لوبډلې پکې ګډون لري.
