د افغانستان بانک مسوولین وایي چې په تېر کال کې یې له مرکز او ولایتونو څخه د ۷ میلیارده ۱۸۶ میلیونه او ۵۴۴ زره افغانیو په ارزښت زاړه بانکنوټونه راټول او سوځولي دي.
د دغه بانک مسوولینو نن (پنجشنبې، د سنبلې ۱۵مه) د يو کلنو لاسته راوړنو د تشريح په پروګرام کې ویلي چې دوی د سوځول شويو زړو افغانيو پر ځای د راکړې ورکړې برخه کې د ستونزو د حل په موخه نوي بانکنوټونه بازار ته وړاندې کړي دي.
د افغانستان بانک مسوولينو دا هم ویلي چې اوسمهال مشتریان کولی چې د افغانیو له حساب څخه په اوونۍ کې د ۷۰ زره افغانیو پر ځای ۱۵۰ زره افغانۍ او په میاشت کې د ۲۵۰ زره افغانیو پر ځای ۵۰۰ زره افغانۍ راوباسي.
د مسوولینو په وینا چې دغه راز له ډالري حساب څخه په اوونۍ کې د ۱۰۰۰ ډالرو پر ځای ۲۰۰۰ ډالر او په میاشت کې د ۳۰۰۰ ډالرو پر ځای ۶۰۰۰ ډالر اخیستلی شي.
