د کور او ښار جوړونې وزارت مسوولین وایي چې په هېواد کې د کور او ښارجوړونې په برخه کې د پانګونې کچه زیاته شوې او د دې ترڅنګ د سلګونو ښارګوټو د ثبت او اصلاح فعالیتونه هم روان دي.
د یاد وزارت د معلوماتو له مخې چې د نوي کابل ښار د ښارګوټي پروژې عملي چارې هم د پراختیا په حال کې دي او اتو نویو شرکتونو په دې پروژه کې پانګونې ته لېوالتیا ښودلې ده.
د کور او ښارجوړونې وزارت مسوولینو دا هم ویلي چې د نوي کابل ښار ښارګوټي چارې په قانوني ډول مخکې ځي.
د یاد وزارت مسوولینو تر دې وړاندې هم په هېواد کې د کور او ښارجوړونې په برخو کې د پانګونې د کچې لوړېدو خبره کړې وه.
