ژباړه: حسیب نورمل
څېړنې ښيي، هغه خلک چې د شپې تر ناوختې او ډېره وخته پورې په ټولنیزو شبکو کې بوخت وي، ډېری یې د خوب اختلال سره مخ دي، دغو څېړونو ثابته کړې ده کوم کسان چې د شپې له خوا تر ډېره په ټولنیزو شبکو کې بوخت وي ځینې یې له کم خوبۍ سره مخ دي او ځینې نور بیا غیر منظم او بې وخته خوب کوي چې دې چارې د دوی په ورځنیو چارو، روان او روغتیا منفي اغېر کړی دی.
روغتیا فعالان وایي؛ انسان باید خپل رواني او جسمي روغتیا لپاره ښه خواړه وخوري، منظم او پوره خوب وکړي، د دوی په خبره، که انسان پوره (له ۷ نه تر ۸ ساعته) خوب ونه کړي نو د خسته کېدو او ستړیا سبب کیږي، که دغه خستهګي او ستړیا ډېره شي انسان له ګڼو رواني ستونزو سره مخ کوي او د غه ستونزې په ژوند او چارو مستقیم منفي اغېز پرېباسي.
ډاکټران خلکو ته د منظم او ارام خوب کولو سپارښتنه کوي، ددوی په اند انسان لږ تر لږ له ۷ نه تر ۸ ساعتونو پورې، ددوی په خبره څوک تر دې کم خوب وکړي نو ښایي له ستړیا او نارامۍ سره مخ شي چې دغه چار د رواني ناروغیو او ستونزو سبب کیږي، چې ښايي بیا یې درملنه ستونزمنه وي.
