ژباړه: عطا محمد میاخېل
۱ ـــ بریالي کسان تل له نورو سره د مرسته کولو لپاره د یوه فرصت په لټه کې دي، ناکام هغه کسان دي، چې تل پوښتنه کوي، زما لپاره څه ګټه لري.
۲ ـــ ما دا ومونده، چې چانس د وړاند وینې وړ دی، که ډېر چانس غواړﺉ، نو باید چانس ډېر وازمویئ. فعال واوسئ او ډېر د نورو په پام کې واوسئ.
۳ ـــ مهمه نه ده، چې له کوم ځای څخه راغلی یاست، یوازینی څیز چې مهم دی، مقصد مو دی.
۴ ـــ تاسو په خپل وجود کې په هغو ټولو ستونزو باندې د غلبه کولو لپاره وړتیا لرﺉ، چې ژوند ستاسو په مخکې را زرغونې کړې دي.
۵ ـــ په هر هغه څه باندې چې په ځواکمن احساس سره باور ولرﺉ، نو په واقعیت باندې به بدل شي.
۶ ـــ د بریا کیلي داده، چې خپل باخبره ذهن په هغو کارونو باندې متمرکز کړﺉ، چې ورسره مینه لرﺉ، نه په هغو کارونو باندې، چې ترې وېرېږﺉ.
۷ ـــ موخه لرونکي کسان، د هغو کسانو په پرتله په کم وخت کې ډېرې رڼې او لیکلې لاسته راوړنې لري، کوم چې یوازې خپلې موخې تصور کوي.
۸ ـــ هر څومره، چې ډېر اعتبار مصرف کړﺉ، نو ډېر اعتبار به تر لاسه کړﺉ. هر څومره، چې ډېر له نورو سره مرسته وکړﺉ، نور به ډېر ستاسو مرستې ته را ودانګي.
۹ ـــ که هیله لرﺉ، چې په خپل شخصي او کاري ژوند کې ارزښتمن څیزونه تر لاسه کړﺉ، تر ټولو لومړی باید تاسو په ارزښتمن شخصیت باندې بدل شئ.
۱۰ ـــ بریالي کسان، په اسانۍ سره د بریالیو عادتونو لرونکي دي.
۱۱ ـــ اړیکې یو مهارت دی، چې کولای شئ، زده یې کړﺉ، لکه بایسکل ځغلونه او ټايپ کول، که چېرې پیاوړی هوډ لرﺉ، چې په دې مهارت کې بریالی شئ، کولای شﺉ، په ډېرې چټکۍ سره، د خپل ژوند د ټولو برخو کیفیت زیات کړﺉ.
۱۲ ـــ بریالي کسان داسې عادت شوي دي، چې له ټولو پېښو څخه مثبتې هیلې ولري.
۱۳ ـــ تاسو نه شئ کولای، هر هغه څه، چې تاسو ته پېښېږي، کنټرول کړﺉ، خو کولای شئ، له هر هغه څه سره، چې مخامخ کېږﺉ، په اړه یې د خپل فکر بڼې ته بدلون ورکړﺉ، په دې کار کې تاسو بدلون د امر منلو ځای ناستی کوﺉ.
۱۴ ـــ په مدیریت کې لومړۍ درجه زرین قانون مه هېروﺉ:
نور هماغه ډول مدیریت کړﺉ، چې خوښېږي مو تاسو مدیریت کړي.
۱۵ ـــ ستاسو تر ټو مهمه شتمني، د ګټورتوب وړتیا مو ده او تر ټولو ارزښتمنه شتمني، وخت مو دی.
۱۶ ـــ ټول بریالي افراد، ښځینه یا نارینه، ستر خیال بافان دي، هغوی هغه راتلونکې، چې خوښېږي یې، په خپلو خوبونو کې ویني، ټولې برخې په جزﺉیاتو سره تصور کوي او هره ورځ د دې خوب د تر لاسه کولو لپاره هڅه کوي، موخې ټاکي او خپلو موخو ته رسېږي.
۱۷ ـــ که خپل اولادونه داسې وروزﺉ، چې باور ولري، په ژوند کې هره موخه یا لاسته راوړنه ولري، تاسو د والدینو په توګه بریالي شوﺉ او اولادونه مو په غوره توګه روزلي.
۱۸ ـــ که هغه کار، چې تاسو یې دمګړۍ ترسره کوﺉ، تاسو ته د خپلو موخو په لور لارښوونه نه کوي، نو له خپلو موخو څخه د خپل ځان د لرې کېدو په حال کې یاست.
۱۹ ـــ تاسو باید ډېر زیات کارونه ترسره کړﺉ، پرله پسې کوچنۍ هڅې، چې هېڅوک یې نه ویني یا یې په ارزښت باندې نه پوهېږي، ترڅو ارزښتمنې بریا ته ورسېږﺉ.
۲۰ ـــ انسان عادت لري، چې تل خپلو هیلو ته ورسېږي، مهمه نه ده، چې هیله یې ښه پېښه وي یا بده.
