هګۍ په رښتیا بشپړ خواړه دي؟

ژباړه: ګلثوم محمدي

روغتیافعالان وایي چې انسان بايد د خپل جسمي روغتيا لپاره ښه خواړه وخوري. هگۍ د لاسرسي وړ او اقتصادي خواړه دي چې خورا مغذي مواد دي او د روغتيا لپاره گټور تمامېدای شي.

د هگۍ گټې خورا ډېرې دي او له مغذي موادو، لکه ویټامين، پروټين او صحي غوړو څخه ډکې دي.

د متخصصانو په خبره، يوه دانه هگۍ له ۷۰ تر ۸۰ گرامه کالوري، ۶ گرامه پروټين، ۵ گرامه غوړ، ۱۸۶ ميلي گرامه کلسترول او ۱ گرامه کاربوهيدرات لري.

هگۍ له دوو برخو څخه جوړه شوې د هگۍ زېړې او د هگۍ سپين، د هگۍ سپينه برخه چې لږ کالوري او کلسترول لري او د وزن د کمولو لپاره هم غوره ده، حال دا چې زېړې برخه يې خورا مغذي مواد دي چې له ويټامينونو او گټورو غوړو څخه ډکې دي.

د هگۍ سپینې برخې روغتيايي گټې

د هگۍ سپين، چې د البومين په نوم هم يادېږي. هغه روښانه او چسپناکه مواد دي چې د هگۍ زېړې یې احاطه کړې ده، چې له اوبو او پروټين څخه جوړه ده.

لږ کالوري: ډاکټران وايي چې د هگۍ سپين ۱۷ گرامه کالوري لري.

لږ غوړ لرونکی: يوه دانه هگۍ ۰،۵ گرامه غوړ لري، هغه کسان چې غواړې لږ غوړ وکاروي د دوی لپاره غوره انتخاب گڼل کېږي.

لوړ پروټين: څېړنې ښيي چې هگۍ لوړ پروټين لري او د هغو امينو اسیدونو څخه ډکې دي، چې د عضلاتو د وډې لپاره اړينه گڼل کېږي. څېړونکې وايي چې د هگۍ سپين ۱۱ گرامه پروټين لري.

د هگۍ سپين کلسترول نه لري او د هغو کسانو لپاره چې لوړ کلسترول او د زړه ناروغۍ لري گټور تمامېدای شي.

لږ مغذي مواد: د هگۍ سپين له پروټين څخه ډکې دي، حال دا چې نور معدني مواد، صحي غوړ، ويټامينونه، لکه A,E, D, K, B12, ريبوفلاوين، فولاټ او غوړ اسيدونه پکې نشته.

د وینې فشار کنټرول: د هگۍ سپين له پوټاشیم څخه ډکې دي، چې په بدن کې د وينې فشار د کنټرول لپاره گټورې دي.

د هگۍ د زېړو روغتيايي گټې

لږ کالوري: د يوې هگۍ زېړ شاوخوا 55 گرامه کالوري لري.

مغذي مواد لرونکی: د اړتيا وړ مغذي مواد، لکه ويټامينونه (A,E,D,K,B) معدني مواد لکه (اوسپنې او فسفر) صحي غوړ لکه غوړ اسیدونه د هگۍ په زېړو کې شته.

د B گروپ ويټامينونه (کولين): د هگۍ زېړ د کولين له غورو سرچينو څخه دي. کولين يوه غوره مواد د ماغزه د روغتيا لپاره ده، د پوهانو په خبره د هگۍ زېړې ۱۴۷ ميلي گرامه کولين چمتو کولای شي.

د اوسپنې بډايه: د هگۍ ۹۰% اوسپنه د هگۍ په زېړ کې موندل کېږي.

لوړ کلسترول: د هگۍ زېړ له کلسترول څخه ډک دي. هغه کسان چې لوړ کلسترول او د زړه ناروغۍ لري، ممکن دوی لپاره مناسبه نه وي.