ژباړه: ګلثوم محمدي
سیاه دانه (کلونجی) په انگليسي کې ورته The Black Seeds ویل کېږي. علمي نوم يې Nigella sativa چې شونيز هم بلل کېږي. دا بوټی په ټوله نړۍ کې د درمل په توگه کارول کېږي. دا بوټی د اسيا په سويل لويديځ، منځني ختيځ او د اروپا په سويل کې وده کوي. دغه بوټی د زيره سیاه او د رومي دڼيا (گشنيز) په نامه هم يادېږي.
په سیاه دانې يا کلونجي کې مغذيي مواد، لکه جست، فاسفورس، کلسیم، پوټاشيم او سلنيوم شته. سربېره پر دې دا د ويټامين B1, B2, B3, B9, C او E بېلابېل ډولونه لري. سیاه دانه يا کلونجی د مغذيي موادو په لرلو سره د ويروس ضد دی او همدارنگه د بدن د دفاعي ځواک د پياوړتيا لامل کېږي. دا مغذيي مواد د التهاب ضد او د خوړو يو ښه هضم کوونکي هم بلل کېږي.
دا درمليز بوټی د غوړو په بڼه هم کارول کېږي او هغه کسان چې روماتيسم لري، د هغوی لپاره ډېر ښه مواد بلل کېږي. سیاه دانه د ميکروب ضد ځانگړتياوې لري او د وينې د فشار په کنترول کې هم مرسته کوي. سیاه دانه د تنفسي سیستم، معدې، پوستکي،کولمو، پښتورگو، د غاښونو د درد لپاره او همداسې د بدن د پياوړتيا لپاره گټورې دي.
سیاه دانه يا کلونجی د سرطان ضد ځانگړتياوې هم لري، همدارنگه د جنسي هورمونونو د ډېروالي لامل کېږي. دا مغذيي مواد د حافظې د پياوړتيا لپاره هم گټور دی.
د تور دانې (کلونجی) گټې
سیاه دانه ډېرې درمليزې ځانگړتياوې لري، چې په ځینو دیني روايتونو کې یې هم په اړه ويل شوي: “سیاه دانه (کلونجی) د هر ډول ناروغۍ او درد درملنه ده، پرته له مرگ”
سیاه دانه وچ او گرم طبع لري، او هغه کسان چې وچ او گرم طبع لري، د دوی لپاره کارول يې سپارښتنه نه کېږي. دا بوټی د وزن کمول، او د معدې د نفخ په کمولو کې هم مناسب دی. همدارنگه د میندو د شیدې د ډېروالي لامل کېږي. د مياشتنۍ عادت لپاره هم گټورې دي.
له شاتو سره د سیاه دانې مخلوط کارول د رحم دردونه او له زيږون وروسته د درد د کمولو لپاره هم گټور دي.
د سیاه دانې مخلوط له شاتو سره د سر درد هم کمولای شي. له سهارنۍ مخکې یې کارولی شئ.
د سیاه دانې (کلونجی) زيانونه
په غذايي رژيم کې د سیاه دانې شامل گټور دی، ځکه دغه مغذيي مواد روغتيا لپاره ډېر بلل کېږي، له همدې امله دوديز طب د دې مغذيي موادو د کارولو کړې ده. خو په ياد ولرئ که په مصرف کې يې افراط وشي، ښايي ځينې ضررونه او حساسيتونه رامنځته کړي.
