ژباړه: ګلثوم محمدي
سره غوښه بدن ته ډېرې گټې لري، مثلاً د عضلاتو پياوړتيا، د انرژي ډېرول او د بدن د ايمني سیستم پياوړي کول. غوښه د ويټامين، پروټين او معدني موادو يوه غوره سرچينه بلل کېږي. غوښه، په ځانگړي توگه سره غوښه له مغذي موادو څخه، لکه اوسپنې، زينک او د B گروپ ويټامينونه څخه ډکه دي. دا مغذيي مواد د وينې په توليد، د پوستکي او د عصبي سیستم د روغتيا لپاره گټور دي.
په دې روغتيايي ليکنه کې تاسو به د غوښې په اړه معلومات ترلاسه کړئ:
بدن ته د غوښې گټې
۱- غوښه د پروټين بډايه سرچينه: په غوښه کې شته پروټين د عضلاتو او نسجونو په جوړولو کې او همداسې د هورمونونو او انزايمونو په توليد کې مهم رول لوبوي. غوښه په ځانگړي توگه سره غوښه، د کب او د چرگ غوښه د پروټين له مهمو سرچینو څخه گڼل کېږي. چې د بدن د اړتيا وړ امينو اسیدونو توليدوي. دغه پروټين د دې په خاطر چې اسانه او ژر بدن ته جذبېږي، د عضلاتو د ودې لپاره ډېره اړينه گڼل کېږي.
۲- اوسپنه: يو له مهمو معدني موادو چې په غوښه کې شته، اوسپنه ده. اوسپنه په اسانه توگه بدن ته جذبېږي. اوسپنې نسجونو ته د اکسیجن په لېږدولو کې مهم رول لوبوي. دا معدني مواد د ماشوم د انرژي په ډېرولو کې او همداراز د تمرکز او ادراکي فعالیت په لوړولو کې اغېزمن دي. د اوسپنې کمښت د ضعف، ستړيا او د وينې کموالی لامل کېږي.
۳- د B گروپ ويټامينونه: دغه ويټامينونه په ځانگړي توگه B12 ويټامين د سرو حجرو په توليد کې او همدارنگه د عصبي سیستم د ښې فعاليت لپاره گټور تمامېدای شي. د دې ويټامينونو کمښت په ماشومانو کې د ضعف او سټريا لامل کېږي.
۴- زينک: دغه معدني مواد د بدن د ایمني سیستم د پياوړتيا او د زخمونو په ښه کولو کې مرسته کوي. د دې مواد کمښت په ايمني سیستم کې ضعف او ښايي چې د پوستکي په روغتيا کې هم اغېزه وکړي.
۵- د عضلاتو ودې: هغه کسان چې غواړي سالم او پياوړي عضلاتو ولري، دوی لپاره د غوښې کارول گټور تمامېدای شي. په غوښه کې شته پروټين د عضلاتو او نسجونو د ودې لامل کېږي. همدارنگه غوښې د نورو مغذيي موادو لکه کراتين او آرژينين په لرلو سره د بدن د پياوړتيا لامل کېږي. له همدې امله، هغو کسانو لپاره چې سپورټ کوي، دوی ته د دې مغذيي مواد کارول سپارښتنه کېږي.
۶- د پوستکي او وېښتانو روغتيا: په غوښه کې شته پروټين، ويټامين، زينک او اوسپنې د پوستکې او وېښتانو د روغتيا او تازه والی لامل کېږي.
۷- د انرژي ډېرول او د عصبي سیستم ښې فعاليت: غوښه د بېلابېلو ويټامينونو، پروټينونو، اوسپنې، زينک او نورو مغذيي موادو په لرلو سره د عصبي سیستم د ښې فعاليت لامل کېږي. سربېره پر دې دغه مغذيي مواد د انرژي په ډېرولو کې مرسته کوي او د تمرکز د ډېروالی لامل کېږي.
۸- د هډوکو او غاښونو څخه ساتنه: په غوښه کې شته مغذيي مواد لکه کليسم او فاسفورس د هډوکو او غاښونو د پياوړتيا لامل کېږي. د دې مغذيي مواد کارول د هډوکو د ورستېدلو مخنيوی کوي.
