د هندي بادام گټې

ژباړه: ګلثوم محمدي

هندي بادام يا کاجو د خوندورو مغزياتو په ډله کې راځي، چې له مغذي موادو څخه مالامال دي. هندي بادام چې له ډېرې پخوا زمانې څخه د مغزياتو په توگه کارول کېږي. دا مغذي مواد نه يوازې چې خوندور دي، بلکې د خورا مغذي موادو لکه پروټين، ويټامين، غوړ اسیدونه او معدني موادو درلودونکي دي، چې د بدن لپاره خورا گټور دي.

د سالمو غوړو بډايه سرچينه

هندي بادام د سالمو غوړو په لرلو سره د زړه د روغتيا لپاره گټور تمامېدای شي. دا غوړ د کلسټرول په کنټرول کې او همدارنگه د پوستکي او وېښتانو په روغتیا کې مهم رول لوبولای شي.

هندي بادام د معدني موادو درلودونکې ده

هندي بادام د معدني موادو لکه مگنيزيم، فاسفورس، اوسپنه، مس او نورو معدني موادو په لرلو سره د عضلاتو، اعصابو او د هډوکو په روغتيا کې مهم رول لوبوي. سربېره پر دې، په دې مغذي موادو کې د اوسپنې شتون د وينې د کمښت څخه مخنيوی کوي. هندي بادام په خپل ترکيب کې په زياته کچه انتي اکسيدان او سالم غوړ لري، چې د ماغزه د پياوړتيا لامل کېږي. دغه مغذي مواد د حافظې او تمرکز په ښه کولو کې مهم رول لوبولای شي. هندي بادام د ويټامين E يوه غوره سرچينه ده چې له ماغزه څخه ساتنه کوي.

هندي بادام د بدن د ايمني سیستم د پياوړتيا لامل کېږي. په دې معدني مواد کې ويټامين E او سيلنيم شتون لري، چې د بدن د التهاب په ښه کولو کې مرسته کوي.

څېړنې ښیي چې ویټامین E د انتي اکسیدان د ځوانۍ، روغتیا او د پوستکي تازه ساتلو لپاره گټور دی. هندي بادام د ويټامين E ترڅنگ، سالم غوړ هم لري چې د پوستکي مرطوب ساتلو او د زیان رسېدلو په مخه نیولو کې مرسته کوي.

هندي بادام د سالمو غوړو او فايبر په لرلو سره د وينې شکر په کنټرول کې مرسته کوي. په هندي بادام کې شته ويټامين E او لوتئين له سترگو څخه ساتنه کوي.

په دوديز طب کې دهندي بادام ارزښت

هندي بادام له ډېرې پخوا څخه په سنتي يا دوديز طب کې ځانگړی ځای لري. د دوديز طب ډاکټران او حکيمان په دې باور دي، چې هندي بادام معتدل او گرم طبع لري. له همدې امله د هاضمې سيستم په ښه کولو کې په ځانگړي توگه د معدې او ځيگر لپاره گټورې دي. سربېره پر دې، د هډوکو پياوړتيا، د وينې ښه جريان لپاره او همدارنگه د وينې د شکر د کنټرول لپاره هم گټوره تمامېږي.