د سوېلي کوریا ولسمشر، «یون سوک یول» پلټونکو ته ځان تسلیم کړی او نیول شوی دی.
ښاغلی یون سوک یول د ډسمبر په دریېمه د پوځي حکومت د اعلانولو له امله د خلکو له بغاوت سره مخامخ شو.
د راپورونو له مخې چې دا په سوېلي کوریا کې لومړۍ ځل دی چې یو ولسمشر د خپلې کاري مودې له پایته رسېدو مخکې نیول کېږي.
په راپورونو کې د سوېلي کوریا د ولسشمر په حواله ویل شوي چې د هغه نیولو ته د پولیسو د زر کسیز ځواک له ورتګ وړاندې یې پلټونکې ډلې ته ځان تسلیم کړی دی.
یون ویلي چې دغه کار یې د تاوتریخوالي د مخنیوي لپاره کړی دی.
په تیرو اونیو کې، د سویلي کوریا پلټونکې ډلې هڅه کوله چې استیصاح شوی ولسمشر ونیسي، خو د ولسمشرۍ ماڼۍ د ساتونکي ځواک له خوا یې مخنیوی کېده.
