امریکایي رسنیو خبر ورکړی چې مشهورې ټولنیزې شبکې (ټیکټاک) ته د یاد هېواد د خلکو لاسرسی قطع شوی او له دې وروسته پکې د ویډیوګانو له کتلو بېبرخې شول.
اسوشتیدپرس پرون ناوخته (شنبې د جنوري۱۸مه) راپور ورکړی چې ټیکټاک ته د خلکو لاسرسی د ‘قانوني بندیز تر پلېکېدو’ دوه ساعته مخکې قطع شوی دی.
په راپورونو کې ویل شوي چې د دې ټولنیزې شبکې اپلیکیشن ‘د «ایپل» او «ګوګل» لخوا د ادارهکېدونکو په ګډون’ له مشهور آنلاین اپلیکیشن پلورنځیو څخه هم حذف شوی دی.
هغه امریکایان چې د ټیکټاک اپلیکیشن د بیانصبولو لپاره مشهور آنلاین اپلیکیشن پلورنځیو ته تللي وو، له دې پیغام سره مخ شوي، “بښنه غواړم، ټیکټاک اوسمهال نشته. په متحده ایالاتو کې پر ټیکټاک بندیز تصویب شوی، له بده مرغه دا پدې مانا ده چې تاسو اوسمهال ټیکټاک نشئ کارولی.”
د راپورونو له مخې چې د ټیکټاک ویبپاڼې خپلو امریکايي څاروونکو او د دغه پلیټفورم کاروونکو ته د دې ستونزې د حل په اړه یو پیغام لیږلی او ویلي یې دي: “موږ خوشحاله یو چې ولسمشر ټرمپ اعلان کړی چې هغه به د واک له ترلاسهکولو وروسته د ټیکټاک بیرته راوستلو لپاره له موږ سره د حل لارې په اړه کار وکړي.”
د ویلو ده چې په امریکا کې پر ټیکټاک د بندیز قانون له تصویبکېدو سره، د دې ټولنیزې شبکې ۱۷۰ ملیونه کاروونکي نور دغه پلیټفورم ته لاسرسی نه لري.
