روغتیا وزارت وایي چې د زابل په مرکز «قلات» کې د ۳۰۰ زره امریکایي ډالرو په لګښت یو عمومي روغتون جوړ او ګټېاخیستنې ته سپارل شوی دی.
د سرچینې د معلوماتو له مخې چې دا روغتون په ۲ زره ۶۴۰ متره مربع مساحت سره جوړ شوی او په جوړېدو سره یې د یاد ولایت ۲۵۰ زره کسان له روغتیایي خدمتونو برخمن شوي دي.
ویل کېږي چې د دې روغتون د جوړېدو لګښت د ملګرو ملتونو د عالي کمېشنرۍ لخوا ورکړل شوی دی.
سرچینې دا هم لیکلي چې په قلات کې د دې روغتون د ګټېاخیستنې په مراسمو کې د روغتیا وزارت ځینو چارواکو هم ګډون درلود.
تر دې مخکې ویل شوي وو چې د شاوخوا اووه میلیارده افغانیو په لګښت سره به د هېواد په ۳۱۸ ولسوالیو کې عمومي روغتونونه جوړ شي.
