ژباړه: ګلثوم محمدي
کورکمن (زرد چوبه) چې د هندي زعفران او د طلايي درمل په نامه يادېږي. دا بوټی په اسیا او مرکزي امريکا کې وده کوي. د دې بوټي مصرف بدن ته ډېرې گټې لري، مثلاً د التهاب کمول، د ځيگر فعاليت ښه کول او د ځينو دردونو په ارامولو کې هم ترې گټه اخسیتل کېږي. د کورکمن رېښه زېړ رنگ لري او په گرمسيرو سيمو کې موندل کېږي. همدا زار دغه بوټی گرم او وچ طبع لري او په خپل ترکيب کې کورکومين، انتي اکسیدان، فلاندرن، کاپرليک، والرينيک اسید لري.
د کورکمن غوره ځانگړتياوې
کورکمن (زرد چوبه) په خپل ترکیب کې په زیاته کچه انتي اکسیدان او نور گټور مواد لري. انتي اکسیدان د بدن ايمني يا دفاعي سیستم پياوړي کوي. کورکمن د التهاب ضد ځانگړتياوې لري او د هغو کسانو لپاره گټور تمامېدای شي چې د مفصلونو درد لري. همدارنگه کورکمن په ماشومانو کې د هډوکو د پياوړتيا او د قد د لوړوالي لامل کېږي. کورکمن د وينې کلسټرول په کنټرول کې مرسته کوي او که په اندازه مصرف شي، د زړه د ناروغيو د اخته کېدو خطر کموي.
کورکمن په کولمو کې مضره باکترياوې له منځه وړي او د مغذي موادو د جذب لامل کېږي. سربېره پر دې، د کورکمن التهاب ضد ځانگړتياوې د هاضمي سیستم د ناروغيو د اخته کېدو خطر کموي.
څېړنو ښودلې په کورکمن کې د کورکومين شتون بدن د بېلابېلو سرطانونو پر وړاندې خوندي کولای شي او د ځينو سرطانونو د اخته کېدو خطر کموي لکه د کولمو او د رحم سرطان. کورکمن د مياشتنۍ عادت د دردونو په ښه کولو کې هم مرسته کوي.
د کورکمن د ځانگړنو پېژندل د زړه د ناروغۍ خطر کمول، د ځينو سرطانونو مخنيوی، د هاضمي سیستم فعاليت ښه کول، د هډوکو او مفاصلو روغتيا، د عصبي سیستم روغتيا ښه کول، د وینې د شکر د کچې کنټرول، د پوستکي او وېښتانو روغتیا او د وزن کمول.
د کورکمن د کارولو څرنگوالی
تاسو اړتيا نه لرئ د دې درمل د گټه اخستيو لپاره کوم ځانگړی کار وکړئ، په مختلفو خوړو کې لکه شيدې، شات، مستې او گرمو اضافه او ترې گټه واخلئ.
د کورکمن او شاتو ترکيب: د کورکمن ترکيب له شاتو سره د هډوکو او مفصلونو د پياوړتيا لامل کېږي. همدارنگه دغه ماسک د پوستکي لپاره هم گټور تمامېدای شي.
د کورکمن او شيدو ترکيب: د شپې له ويده کېدو د مخه يا هم د سهارنۍ مخکې د کورکمن او د شيدو ترکيب د هډوکو د روغتيا لپاره گټور تمامېدای شي.
د کورکمن او مستو ترکيب: دغه ترکيب د پوستکي لپاره يو پياوړي پاکوونکي دی او د پوستکي داغونو (لک ها) له منځه وړي.
د کورکمن او گرمو اوبو ترکيب: له گرمو اوبو سره د کورکمن ترکيب د پوستکي او وېښتانو د روښانتيا او د بدن د سیستم د پياوړتيا لامل کېږي.
د کورکمن زيانونه
کورکمن سره له دې چې بدن ته ډېرې گټي لري، خو که په کارولو کې يې افراط وشي، ښايي بدن ته ځينې ضرورنه ولري، لکه د هاضمي سیستم ستونزه، زړه بدوالی، گانکي، سر درد او نور…
