نن د اتو #لوبډلو ترمنځ د ۲۰۲۵ کال د #اتلانو جام (چمپینز ټرافي) سیالیو لومړۍ لوبه د #پاکستان او #نیوزیلنډ لوبډلو ترمنځ پیلېږي.
ټاکل شوې دا لوبه نن ماسپښین یوه نیمه بجه د پاکستان په «کراچۍ» ښار کې پیل شي.
افغانستان په دغو سیالیو کې د لومړي ځل لپاره برخه اخلي، او د جنوبي افریقا، انګلستان او آسټرالیا له ځواکمنو لوبدلو سره په بي ګروپ کې به لوبې وکړي.
ویل کېږي چې د افغان لوبډلې لومړۍ لوبه د جمعې په ورځ د فبروري په ۲۱مه له جنوبي افریقا سره او دویمه لوبه به یې د فبروري په ۲۶مه له انګلستان او درېیمه به یې د فبروري په ۲۸مه له اسټرالیا سره وي.
د ویلو ده چې پاکستان ته د هند د لوبډلې د نهتللو له امله د چمپینز ټرافي لوبې په دوو هېوادونو، پاکستان او متحده عربي اماراتو کې ترسره کېږي.
