ژباړه: حامد بهیر
د لیکوالۍ لپاره د انگېزې رامنځ ته کول لومړی گام دی چې د لیکوالۍ په لاره اېښودل کېږي؛ خو دا انگېزه څه ده او څنگه منځ ته راځي؟
د لیکلو لپاره انگېزه په حقیقت کې هماغه عاطفي او دروني اړتیاوې او د ذهن د دروني مالوماتو وړاندې کول دي چې د ژبې په وسیله تر سره کېږي.
په دې انګېزه کې لومړی عامل فکر کول دي؛ ځکه که تاسې د بیان لپاره فکر ونه لری، شونې نه ده چې په تاسې د لیکوالۍ انگېزه منځ ته راشي. نو باید یاد مو وي چې د انګېزې لپاره لومړی قدم همدا فکر کول دي.
لیکل جدي ونیسو
هره محتوا د لیکلو وړ نه ده، خو باید یاد مو وي چې که د لیکوالۍ پروسه جدي ونه نیسو؛ یانې د لیکوالۍ لپاره احساس د مسولیت له مخې په موږ کې رامنځ ته نه شي، نو ورو ورو زموږ په ذهن کې د لیکوالۍ انگېزه له منځه ځي او دا مورد د لیکوالۍ او محتوا چې د لیکلو لپاره مو غوره کړې د جدي نیولو درلودونکی دی.
کله ښایي لویه او غوره مطلب چې لیکو یې، ددې جدې نه نیولو او په لیکوالۍ کې د بې انگیزه توب ښکار شي او وروسته د نه لیکلو پښیمانتیا زموږ په ذهن او ضمیر کې پاتې شي.
د انگېزې د ځواکمنتیا کړنلاره
د انگېزې د غښتلتیا لپاره دلیکوالۍ په سیند کې دا څلور ټکي په یاد ولرئ:
* کله مو چې په ځان کې د لیکولو اړتیا محسوس کړه نو، غلې کوی یې مه، بلکې ویې لیکئ.
* که د لیکلو لپاره پوره فرصت نه لری، لږ تر لږه هغه څه چې ستاسو په ذهن کې د لیکلو لپاره منځ ته راځي، په فشرده ډول یاداښت کړئ، او وروسته یې د وزګارتیا پر مهال ولیکئ.
* هغه څه چې لیکی یې، په سطحي ډول مه لیکئ لیکوالۍ ته مینه ورکړئ.
* هڅه وکړئ چې له لیکلو نه خوند واخلی او هېڅ څه هم له عاطفي او علمي اړتیا پرته مه لیکئ.
په پای کې باید په یاد ولرو چې لویو لیکوالانو د لیکوالۍ لپاره لوړه انګېزه درلوده او د بې ځایه شیانو په اړه یې لیکنې نه خوښولې.
هغوی د خپل تصور وینه، علمي او هنري لاسته راوړنې د کلام او کلمې په رګونو کې د مولې او په انگېزه او زړه راښکونکي ډول به د لوستونکو د شعور له شریانونو تېرېدلې او زړه به یې لړزې ته چمتو کاوه.
لیکونکي اوسئ!
