لیکنه: امين الله فيضي
پسرلی هغه موسم دی چې ټول هغه نباتات، ژوي، خزندګان او طبعيت د ژمي په تيريدو سره بیرته تازه نفس اخلي، داسې فکر کوي هر څه بیا له سر څخه پيل شوي، ټولې هيلې يو ځل بيا د دوی په زړونو کې راپورته کيږي، تر څو د پخوا په څېر له ژوند کولو څخه خوند واخیستلای شي.
ياد موسم د زياتو وګړو د خوښې فصل بلل کیږي. هغه ځکه هر څه نوې بڼه ځانته نيولې وي، ښکلا يې دوه چنده شوي وي، ګلان پکې بيا غوړیدلي وي، او ننداره یې هر چاته خوښي وربښي. مرغان په اسمانونو، ځنګلونو او غرونو کې په سندرو پيل وکړي د خوښې اوازونه ځانته ښکلاوې لري دا کړنې طبيعت لا ډېر په زړه پورې کوي.
پسرلي ته د مينې او يووالي موسم هم ويل کيږي چې هر څه ځانته نوي رنګ اؤ نوي بڼه اخلي هر څه بدلون مومي يعنې تر پخوا لا ښه شوي وي، ټول د خوښې احساس کوي کينه، بدې له منځه ځي. بهار د رنګونو او ښکلاوو خوندور موسم دی دهقانان په کې له ټولو نه ډېر خوښ وي هغوي د کار فصل پيل کيږي د کروندې ښکلولو لپاره ډېر زيار اوباسي تر څو يوه حلاله مړې لاس ته راوړی د ژوند هغه عرابه پرې وچليږي.
د پسرلي يوه بله ځانګړتيا دا ده چې نوروز ميله هم له ځان سره راوړي، دا داسې ميله ده چې له کلونو پخوا تاريخ لري داسيايي هېوادونو په فرهنګ کې هر کال ترسره کيږي او پکې بيلابيل خواړه، ميوې، دودونه په ترسره کولو سره نمانځل کيږي.
