– ازادي د لاسونو او پښو نه د زنځیرونو په خلاصولو کې نه ده، ازادي د نورو ازادۍ ته په درنه سترګه کتلو ته اړتیا لري.
– بریا دا نه ده، چې هر وخت په ګونډو نه شو؛ بلکې په دې کې ده، چې له هر ځل لوېدو نه وروسته راپورته شوو.
– دا اړینه نه ده، چې ښایسته دې وو؛ اړینه دا ده، چې مهم وو، که هغه د یوه کس له پاره هم وي.
– د دوستۍ تلپاتې والی، په متقابل احترام پورې تړلی دی.
– کوچنی عاشق شه؛ ځکه چې عشق د لویولو په چل پوهېږي.
– کینه داسې ده، لکه زهر چې وڅښې او په دې تمه وي چې دښمن به دې مړ شي.
– زه په دې بارو یم، چې د نړۍ خوښ کسان هغه نه دي، چې هر څه په لاس کې لري؛ بلکې هاغه دي، چې له شته شیانو یې ښه ګټه اخلي.
– ژوند حیرانوونکې دی، یوازې که ځان په دې پوه کړو، چې څنګه ژوند وکړو.
– زه په دې باور یم، چې د دې نه په صرف نظر چې زموږ زړه څومره مات شوی دی، نړۍ زموږ په غوصه او قهر باندې بیا هم حرکت کوي.
– ښه والی د انسان په ژوند کې هغه ډېوه ده، چې ښایي روښنایي یې کمه وي؛ خو تل به روښانه وي.
– زما او نورو بندیانو په توپیر باندې پوهېږې؟ کله چې د بند خونې کوچنۍ پنجره خلاصوي، هغه تیاره او غم وینې او زه بیا روښنایي او امید.
– زده کړه هغه ځواکمنه سلاح ده، چې کولی شو چې د نړۍ د بدلولو له پاره ترې کار واخلو.
– بریا پرمختګ دی، د پای ټکي ته رسېدل نه.
– په شکونو دې باور مه کړه او په باورنو دې شک.
– ستونزو ځینې جوړ کړي او ځینې یې بیا مات کړي دي.
– امنیت یوازې دا نه دی، چې په هېواد کې دې جنګ نه وي؛ امنیت په حقیقت کې دا دی، چې په ټولنه کې ټول خلک له دې پرته چې نژاد، دین، طبقې، جنسیت ته پام وکړي، د ټولنې استوګنتون له یو ډول حقونو څخه برخمن وي.
– که داسې وې، چې وینه دې په وینه ومېنځو؛ بدبخته کېږو. بښنه باید وکړو؛ خو هېروو به یې نه.
